1. Dogfennau Sy’n Ofynnol i Brofi Cymhwystra Ariannol
Mae’n rhaid i chi ddarparu tystiolaeth o’ch cymhwystra am forgais, eich incwm ac unrhyw drefniadau cyllido eraill.
Tystiolaeth Morgais
Mae’r dystiolaeth ofynnol yn cynnwys:
- Tystysgrif Morgais, Addewid Morgais neu Benderfyniad mewn Egwyddor sy’n cynnwys enwau POB Ymgeisydd.
Mae’n rhaid i chi ddarparu gwybodaeth am forgais hyd yn oed os nad oes angen morgais arnoch, os na allwch gael morgais, neu os gwrthodwyd eich cais am forgais.
- Llythyr neu e-bost gan eich darparwr morgais yn cadarnhau’r uchafswm morgais sydd ar gael i chi ac unrhyw gyd-ymgeisydd, os nad yw’r geiriau “uchafswm” neu “hyd at” wedi’u nodi ar eich Tystysgrif Morgais, Addewid Morgais neu Benderfyniad mewn Egwyddor.
Mae hyn yn ein helpu i asesu’r uchafswm y gallech ei fenthyca, a all fod yn wahanol i’r swm yr oeddech wedi gwneud cais amdano’n wreiddiol.
- Os yw eich morgais yn 65% neu lai o’r pris prynu, rhaid i chi ddarparu tystiolaeth ddogfennol yn dangos sut y caiff gweddill y pryniant ei ariannu.
Gall enghreifftiau gynnwys:
- Datganiadau cynilion
- Datganiadau buddsoddi
- Cadarnhad o flaendal rhoddedig
- Elw o werthu ased arall
- Cronfeydd eraill sydd ar gael
Tystiolaeth Incwm
Mae tystiolaeth incwm yn ofynnol ar gyfer pob ymgeisydd.
Tystiolaeth o Incwm Cyflogaeth
Mae’r dystiolaeth ofynnol yn cynnwys:
- Eich slipiau cyflog 3 mis diwethaf
- Slipiau cyflog 3 mis diwethaf y cyd-ymgeisydd (os yn berthnasol)
- Eich P60 mwyaf diweddar
- P60 mwyaf diweddar y cyd-ymgeisydd (os yn berthnasol) Tystiolaeth o Incwm Hunangyflogaeth
- Cyfrifon busnes sy’n cwmpasu’r 3 blynedd diwethaf
- Cyfrifon busnes y cyd-ymgeisydd sy’n cwmpasu’r 3 blynedd diwethaf (os yn berthnasol) Tystiolaeth o Incwm o Fudd-daliadau
- Tystiolaeth o unrhyw fudd-daliadau a dderbynnir gan unrhyw ymgeisydd, megis llythyrau dyfarnu neu ddatganiadau o’r 3 mis diwethaf sy’n dangos y taliadau a dderbyniwyd
Gall enghreifftiau gynnwys:
- Credyd Cynhwysol
- Taliad Annibyniaeth Personol (PIP)
- Lwfans Gweini
- Lwfans Gofalwr
- Budd-dal Plant
- Credyd Pensiwn
Tystiolaeth o Incwm Ymddeol
Gall y dystiolaeth gynnwys:
- Datganiadau taliadau pensiwn ar gyfer y 3 mis diwethaf
- Eich datganiad pensiwn blynyddol mwyaf diweddar
- Manylion unrhyw lwfansau neu incwm ychwanegol
Mathau Eraill o Incwm
Tystiolaeth sy’n egluro’r incwm a ffynhonnell y swm.
Cyn Cyflwyno Eich Cais
Gwnewch yn siŵr bod pob dogfen yn glir, yn gyflawn ac yn gyfredol. Ni ellir asesu ceisiadau’n llawn hyd nes y bydd yr holl dystiolaeth ariannol ofynnol wedi’i derbyn.