Digwyddiadau
Darganfyddwch beth sy’n digwydd yn Ceredigion Oed-Gyfeillgar.
Yma fe welwch ddigwyddiadau rydym yn eu trefnu neu’n eu cynnal — o Awr Oed-Gyfeillgar i sgyrsiau cymunedol a digwyddiadau galw heibio. P’un a ydych chi am gysylltu ag eraill, dysgu rhywbeth newydd, neu rannu’ch barn, rydych chi’n fwy na chroeso i ddod draw.
Iechyd Cymunedol Cei Newydd
Dyddiad: Dydd Mawrth 29 Medi 2026
Amser: 10:00yb – 2:00yp
Lleoliad: Neuadd Goffa Cei Newydd, Heol Towyn, Cei Newydd, Ceredigion, SA45 9QQ
Ynglŷn â'r digwyddiad
Ymunwch â ni yn Iechyd Cymunedol Cei Newydd, digwyddiad galw heibio cymunedol rhad ac am ddim sy'n dod â gwasanaethau lleol, gwiriadau iechyd, gwybodaeth a chymorth ynghyd o dan yr un to.
P'un a ydych yn chwilio am gyngor iechyd, cymorth ymarferol, neu eisiau darganfod pa wasanaethau sydd ar gael yn eich ardal leol, mae croeso i bawb.
Nid oes angen archebu ymlaen llaw. Galwch heibio unrhyw bryd rhwng 10:00yb a 2:00yp.
Disgwylir i'r gwasanaethau gynnwys
Bydd ymwelwyr yn gallu cael mynediad at wybodaeth, cyngor a chymorth, gan gynnwys:
- Gwybodaeth am iechyd yr afu
- Cyngor ar atal cwympiadau
- Gwiriadau pwysedd gwaed
- Profion glwcos yn y gwaed
- Gwiriadau colesterol
- Cyngor ar Bopeth
- Cynllun Cartrefi Clyd Nyth
- Ceredigion Oed Gyfeillgar
- Mentora Cyfle Cymru
- Cymorth iechyd meddwl
Mae'n bosibl y bydd sefydliadau a gwasanaethau ychwanegol hefyd yn bresennol ar y diwrnod.
Hygyrchedd a pharcio
- Mae'r lleoliad yn hygyrch i ddefnyddwyr cadeiriau olwyn
- Mae nifer cyfyngedig o leoedd parcio ar gael yn y lleoliad
- Os oes gennych unrhyw gwestiynau am hygyrchedd neu os oes angen unrhyw gymorth arnoch i fynychu'r digwyddiad, cysylltwch â ni cyn y digwyddiad
Mae'r digwyddiad yn cael ei gynnal mewn partneriaeth rhwng Bwrdd Iechyd Prifysgol Hywel Dda, Cyngor Sir Ceredigion a Cyfle Cymru.
Cystadleuaeth Ffotograffiaeth Ceredigion Oed Gyfeillgar 2026
Thema: Herio Oedraniaeth
Dyddiad cau: 03/09/2026
Rydym yn chwilio am ffotograffau sy'n herio stereoteipiau ynghylch heneiddio ac yn dangos cyfraniadau cadarnhaol, profiadau ac amrywiaeth pobl hŷn yng Ngheredigion.
Canllawiau'r gystadleuaeth:
- Ar agor i bobl 50 oed a hŷn sy'n byw yng Ngheredigion
- Uchafswm o 3 cais y pen
- Ni ddylid golygu lluniau'n ddigidol
- Rhaid i geisiadau fod yn ffotograffau gwreiddiol a dynnwyd gan y person sy'n eu cyflwyno
- Ni dderbynnir delweddau a gynhyrchwyd gan AI neu a gafodd eu trin yn helaeth
- Gwnewch yn siŵr bod gennych ganiatâd gan unrhyw un sy'n ymddangos yn eich lluniau
- Gall Ceredigion Oed Gyfeillgar ddefnyddio lluniau a gyflwynir mewn deunyddiau hyrwyddo yn y dyfodol, cyfryngau cymdeithasol, datganiadau i'r wasg ac arddangosfeydd mewn digwyddiadau cymunedol
- Dylid cyflwyno lluniau ar ffurf JPEG neu PNG lle bo modd. Mae delweddau gwreiddiol o ansawdd uchel yn cael eu ffafrio
- Os oes gennych unrhyw gwestiynau gallwch ffonio 01545 570881
Dylai ceisiadau gynnwys:
- Enw
- Manylion cyswllt
- Teitl neu ddisgrifiad byr o'r llun
Gwobrau
- 1af - Taleb £30
- 2il - Taleb £20
- 3ydd - Taleb £10
Gellir cyflwyno ceisiadau drwy'r post i Ceredigion Oed Gyfeillgar , Cyngor Sir Ceredigion, Penmorfa, Aberaeron, SA46 0PA neu e-bost i cysylltu@ceredigion.gov.uk.
Sioe Iechyd a Lles Borth - 03/03/2026
Sioe Iechyd a Lles Tregaron - 10/04/2026
Diwrnod Rhyngwladol Pobl Hŷn 2024
