Ceredigion Oed Gyfeillgar

Ymunwch â ni i greu Ceredigion Oed-gyfeillgar

Beth yw Cymuned Oed-gyfeillgar?

Cymunedau Oed-gyfeillgar yw mannau lle mae pobl hŷn, cymunedau, polisïau, gwasanaethau, lleoliadau a strwythurau yn cyd-weithio mewn partneriaeth i’n cefnogi a’n galluogi i heneiddio’n dda – Sefydliad Iechyd y Byd (WHO)

Wyth maes cymuned Oed-gyfeillgar:

Ardaloedd Allanol ac Adeiladau: Ardaloedd cyhoeddus diogel, hygyrch ac wedi’u cynnal yn dda i annog gweithgarwch a rhyngweithio.
Trafnidiaeth: Trafnidiaeth gyhoeddus ddibynadwy a fforddiadwy, a ffyrdd diogel sydd wedi’u cynnal yn dda.
Tai: Dewis amrywiol o dai fforddiadwy, hygyrch a chefnogol.
Cyfranogiad Cymdeithasol: Cyfleoedd i breswylwyr o bob oed i gymryd rhan mewn gweithgareddau hamdden, diwylliannol ac ysbrydol.
Parch a Chynhwysiant Cymdeithasol: Rhaglenni a gwasanaethau sy’n hyrwyddo cysylltiadau diwylliannol a phontio cenedlaethau.
Cyfranogiad Dinesig a Chyflogaeth: Annog oedolion hŷn i gymryd rhan mewn penderfyniadau cymunedol a darparu cyfleoedd gwaith hyblyg.
Cyfathrebu a Gwybodaeth: Mynediad hawdd at wybodaeth, gan gynnwys technolegau newydd sy'n ymgysylltu yn hytrach nag eithrio.
Cefnogaeth Gymunedol a Gwasanaethau Iechyd: Gwasanaethau gofal iechyd hygyrch sy'n diwallu anghenion preswylwyr ar bob cam o'u bywydau.

Pam ddylai'ch cymuned gymryd rhan?

Mae Ceredigion Oed-gyfeillgar yn cael ei arwain gan y gymuned. Mae hyn yn golygu ein bod yn medru cynorthwyo oedolion hŷn i fod yn iach a gweithgar, cryfhau cysylltiadau cymunedol, a hybu’r economi leol drwy gynnwys oedolion hŷn mewn amrywiol weithgareddau.
Gall cymunedau Oed-gyfeillgar wneud Ceredigion yn le gwell i bawb.

Cysylltwch â'r Tîm Gofalwyr a Chymorth Cymunedol i fynegi eich diddordeb, dysgu mwy am ddod yn Gynrychiolydd Dinasyddion a dod o hyd i eraill sy'n rhannu’r un cymhelliant.

📞 01545 574200

📧 clic@ceredigion.gov.uk

Am fwy o wybodaeth am Cymunedau Oed Gyfeillgar cliciwch ar y dolenni canlynol