Arfarniadau a Chynlluniau Rheoli Ardaloedd Cadwraeth
Bydd yr ymgynghoriad hwn yn cau ddydd Sul 9 Mawrth 2025.
Mae ardaloedd Cadwraeth yn ardaloedd penodol o rinweddau pensaernïol neu hanesyddol arbennig. Mae'n ofynnol i Gyngor Sir Ceredigion, o bryd i'w gilydd, adolygu’r ardaloedd cadwraeth yn y Sir a llunio argymhellion ar gyfer eu cynnal a'u gwella.
Mae'r Cyngor yn paratoi neu'n diweddaru ein Arfarniadau Ardal Gadwraeth er mwyn nodi beth sy'n gwneud yr ardaloedd hyn yn arbennig ac unrhyw gyfleoedd neu broblemau a allai fodoli.
Mae'r Arfarniadau yn sail ar gyfer Cynlluniau Rheoli manylach. Mae'r Cynlluniau Rheoli yn nodi ymatebion priodol i fynd i'r afael ag unrhyw gyfleoedd a phroblemau.
Mae'r Cyngor am geisio mabwysiadu'r Arfarniadau Ardal Gadwraeth a'r Cynlluniau Rheoli hyn fel Canllawiau Cynllunio Atodol (CCA). Mae hyn yn golygu y byddant yn cael eu hystyried fel ystyriaeth berthnasol wrth benderfynu ar geisiadau cynllunio sy'n effeithio ar yr Ardaloedd Cadwraeth.
Paratowyd Arfarniadau a Chynlluniau Rheoli Ardaloedd Cadwraeth Drafft ar gyfer yr ardaloedd canlynol. Cliciwch ar enw pob ardal i weld yr Arfarniadau drafft a'r Cynlluniau Rheoli ar gyfer yr ardal honno.
Cyn eu mabwysiadu, hoffai Cyngor Sir Ceredigion glywed eich barn am gynnwys yr Arfarniadau a'r Cynlluniau Rheoli.
Sut i gymryd rhan yn yr ymgynghoriad
Cwblhewch ein harolwg Arfarniadau a Chynlluniau Rheoli Ardaloedd Cadwraeth ar-lein.
Lawrlwythwch ein harolwg Arfarniadau a Chynlluniau Rheoli Ardaloedd Cadwraeth.
Os hoffech wneud sylwadau ar fwy nag un o'r dogfennau, cwblhewch arolwg neu ffurflen ar wahân ar gyfer pob Cynllun Arfarnu a Rheoli yr hoffech wneud sylwadau arnynt.
Dychwelwch y ffurflen wedi'i llenwi drwy e-bost at: ldp@ceredigion.gov.uk.
Neu eu postio i: Cynllunio Polisi, Canolfan Rheidol, Rhodfa Padarn, Llanbadarn Fawr, Aberystwyth, Ceredigion, SY23 3UE.
Os hoffech dderbyn y wybodaeth mewn fformat gwahanol, cysylltwch â ni ar 01545 570881 neu e-bostiwch ldp@ceredigion.gov.uk.
Gallwch hefyd ofyn am gopi papur o'ch Llyfrgell neu Ganolfan Hamdden leol, drwy ffonio 01545 570881 neu anfon e-bost atom ldp@ceredigion.gov.uk.
Darllenwch ein Hysbysiad Preifatrwydd Ymgynghoriadau.
Bydd eich ymatebion yn cael eu casglu a'u cyhoeddi ar y tudalen we hwn.