Pecyn Ailgylchu ar gyfer Cartrefi Ceredigion
Rydym yn cyflenwi blychau, cwdau a bagiau i bob cartref yng Ngheredigion er mwyn ei gwneud hi’n haws ailgylchu. Gwnewch yn siŵr eich bod yn rhoi’r gwastraff cywir allan i’w gasglu yn y ffordd gywir ar y diwrnod cywir.
Y Gwastraff Cywir
Gwiriwch pa eitem sy’n mynd i ba flwch drwy ddefnyddio’r daflen Gwasanaeth Casglu Gwastraff y Cartref (gweler llun 1). Hefyd gallwch weld sut mae cael gwared ar eitemau eraill drwy fynd i dudalen A-Y Gwastraff.
1. 
Y Ffordd Gywir
Gwastraff bwyd:
Leiniwch y cadi gwastraff bwyd (llun 2)
2. 
â’r cwdau a ddarparwyd (llun 3),
3. 
a phan fydd yn llawn, clymwch y cwdyn a’i roi yn y bin gwastraff bwyd a roddir ar ymyl y ffordd (llun 4).
4. 
Rhowch y bin gwastraff bwyd allan i’w gasglu ar y diwrnod cywir.
Eitemau ailgylchu cymysg:
Rhowch eitemau ailgylchu glân yn y bag ailgylchu clir (llun 5). Pan fydd yn llawn, clymwch y bag a’i roi allan i’w gasglu ar y diwrnod cywir.
5. 
Poteli a jariau gwydr:
Defnyddiwch y blwch ar gyfer poteli a jariau gwydr (llun 6). Mae blwch llai o faint ar gael ar gais.
6. 
Y Diwrnod Cywir
Mynnwch gip ar galendr eich casgliadau ailgylchu a gwastraff (llun 7). Hefyd mae modd ichi weld pryd mae’ch casgliad nesaf drwy ddefnyddio’r chwiliadur côd post.
7. 
Angen un newydd?
Yn achos cwdau gwastraff bwyd a bagiau ailgylchu clir, defnyddiwch y sticeri melyn i ofyn am ragor; rhowch y sticeri ar ben eich bag llawn a bydd y criw casglu yn gadael rholyn newydd i chi yn eich man casglu. Neu, ewch i'ch Canolfan Ailgylchu Cymunedol agosaf. I gael biniau a chadis newydd, cysylltwch â ni.
Sylwch nad ydym yn darparu cynwysyddion ar gyfer gwastraff na ellir mo’i ailgylchu. Disgwylir i drigolion ddarparu cynwysydd addas a sicr, megis bag du cryf neu fin olwynion/ whilfin.