Gwastraff Gweddilliol (Gwastraff Nad Oes Modd Ei Ailgylchu)
Mae cyfyngiadau mewn lle ar faint o wastraff gweddilliol (gwastraff na ellir ei ailgylchu) y gall deiliaid tai eu cyflwyno i'w gasglu.
Mae cyfyngiad ar wastraff gweddilliol heb ei ddidoli hefyd ar waith yn ein Safleoedd Gwastraff Cartref. Edrychwch ar ein dudalen Safle Gwastraff Cartref am ragor o wybodaeth. Didolwch eich gwastraff cyn i chi ymweld.
Yn y cyfamser, sicrhewch eich bod yn gwneud defnydd llawn a phriodol o wasanaethau ailgylchu’r Cyngor, gan gynnwys defnyddio’r gwasanaeth casglu gwastraff bwyd.
Dylai bagiau gwastraff gweddilliol (yn aml yn cael eu galw'n "bagiau du") gynnwys gwastraff nad oes modd ei ailgylchu yn unig.
Beth all fynd i’ch sach wastraff nad oes modd ei ailgylchu:
Ie
- Deunydd pacio nad oes modd ei ailgylchu ee pacedi creision, codau bwyd anifeiliaid anwes, papurau lapio siocledi
- Ffyn Gwlân Cotwm
- Gwastraff glanweithiol
- Gwastraff o’r sugnydd llwch
- Lludw wedi oeri
- Stribedi tabledi meddygol
- Weips
Dim diolch
- Deunydd y gellir ei ailgylchu
- Gwastraff bwyd
- Gwastraff gardd
- Gwydr
Bob Tair Wythnos
Gallwch gael rhagor o wybodaeth am sut i gael gwared ar rai eitemau penodol yn ein rhestr A-Y Gwastraff.
Beth yw’r cyfyngiadau ar wastraff gweddilliol?
Mae cartrefi yn gallu rhoi uchafswm o dri bag gwastraff gweddilliol allan ar y palmant bob tair wythnos.
Dylai’r bagiau fod yn fagiau du cartref safonol (60 litr), heb fod yn fwy na’r bagiau ailgylchu clir. Ni ddylai bagiau bwyso mwy na 20kg.
Ni dderbynnir gwastraff heb ei ddidoli yn Safleoedd Gwastraff Cartref y sir.
Beth mae hyn yn ei olygu?
Mae terfyn ar faint o wastraff gweddilliol y bydd y Cyngor yn eu casglu o'ch eiddo wrth ymyl y palmant. Yn y rhan fwyaf o achosion, dim ond hyd at 3 bag maint safonol (60litr) y byddwn yn casglu, bydd gwastraff gormodol yn cael ei adael ar ôl.
Mae hyn yn ychwanegol at wastraff Cynnyrch Hylendid Amsugnol (CHA) o gwsmeriaid cofrestredig CHA, lle mae'r gwastraff yn bodloni meini prawf CHA, ac mae hynny'n cael ei gyflwyno'n gywir i'w gasglu mewn bagiau CHA.
Nid oes terfyn ar faint o wastraff ailgylchadwy y gellir ei roi allan i'w gasglu yn eich bagiau clir, bin gwastraff bwyd neu flwch gwydr, cyn belled â bod y cynwysyddion hyn yn cael eu defnyddio ar gyfer y ffordd gywir.
Pam bod y cyfyngiadau hyn ar waith?
Mae Ceredigion wedi bod yn gyson yn un o'r siroedd sy'n perfformio orau yn y DU o ran ailgylchu, ond gallwn wneud yn well. Cyn y cyfyngiadau hyn, roedd bron i hanner yr holl wastraff gweddillion a gasglwyd ar y palmant fod wedi cael ei ailgylchu, gyda'r rhan fwyaf o hyn yn wastraff bwyd.
Mae'r cyfyngiadau hyn ar waith i annog mwy o bobl i ailgylchu eu gwastraff, yn enwedig gwastraff bwyd, gan ei fod yn well i'r amgylchedd ac yn lleihau costau. Mae bagiau clir a gwastraff bwyd yn cael eu casglu bob wythnos, felly mae ailgylchu yn ei gwneud hi'n haws rheoli eich gwastraff hefyd.
Pam y dylech ailgylchu
- Rydym yn casglu papur, cardbord, plastigau, caniau, cartonau a gwastraff bwyd bob wythnos, a photeli gwydr a jariau bob 3 wythnos gan ei gwneud hi'n haws i chi reoli eich gwastraff.
- Mae'n costio llai i ailgylchu gwastraff nag i waredu gwastraff mewn bagiau du.
- Mae ailgylchu yn lleihau'r egni sydd ei angen i wneud pethau o ddeunyddiau newydd ac felly yn lleihau allyriadau carbon ac yn cadw adnoddau naturiol.
Oeddech chi'n gwybod bod y gwastraff bwyd rydyn ni'n ei gasglu yn y gwasanaeth gwastraff bwyd yn cael ei ddefnyddio i gynhyrchu trydan gwyrdd?
Mae defnyddio gwasanaeth casglu gwastraff bwyd wythnosol y Cyngor yn fwy hylan na storio eich gwastraff bwyd am 3 wythnos, mae'n well i'r amgylchedd, a bydd yn eich helpu i reoli eich cyfyngiad gwastraff.
Help gydag ailgylchu gwastraff bwyd.
Sut allwch chi ailgylchu yng Ngheredigion
Ewch i’n tudalen Biniau ac Ailgylchu i weld beth allwch chi ei ailgylchu.
Cwestiynau a Ofynnir yn Aml am Wastraff Gweddilliol (Gwastraff na ellir ei Ailgylchu)
Mae'r cyfyngiadau'n berthnasol i eiddo domestig. Mae angen trefniadau ar wahân ar gyfer gwastraff masnachol.
Mae'r terfyn o dri bag yn berthnasol i bob cartref sydd â phobl yn byw ynddi ac sydd â chyfeiriad unigryw. Cysylltwch â ni os oes gennych unrhyw ymholiadau.
Dylai preswylwyr gyflenwi eu bagiau eu hunain ar gyfer gwastraff nad oes modd ei ailgylchu. Dylai'r bagiau fod:
- bagiau gwastraff domestig o faint safonol (60litr), dim mwy na bag clir.
- yn ddigon cryf i gadw'r gwastraff rhwng ei gyflwyno ar ymyl y ffordd â phan gaiff ei gasglu.
- yn ddigon cryf i gynnwys y gwastraff wrth gael ei godi/gasglu.
Mae bagiau gwastraff gweddilliol addas ar gael i'w prynu o Ganolfannau Gwasanaethau Cwsmeriaid y Cyngor, a llawer o fanwerthwyr ledled y sir.
Dim ond gwastraff mewn bag gwastraff gweddilliol bydd yn cael ei gasglu.
Gallwch roi eich 3 bag gwastraff gweddilliol wedi’u clymu y tu mewn i bin/bin olwyn ar ddiwrnod casglu. Ni fyddwn yn derbyn biniau na biniau olwyn sy'n cynnwys deunyddiau rhydd.
Nid yw'r rhan fwyaf o gartrefi yn cynhyrchu mwy na 3 bag o wastraff gweddilliol dros cyfnod o dair wythnos. Mae'r rhai sy'n gwneud hynny yn cael eu hannog i ailgylchu cymaint o'u gwastraff â phosibl. Os oes modd compostio'r gwastraff, fel dillad gwely anifeiliaid anwes, ystyriwch gompostio'r gwastraff gartref.
Os byddwch chi'n canfod, hyd yn oed ar ôl ailgylchu cymaint â phosibl, na fod eich gwastraff nad oes modd ei ailgylchu yn ffitio i mewn i 3 bag maint safonol, gallwch chi, neu rywun ar eich rhan, wneud cais am gapasiti ychwanegol trwy lenwi'r ffurflen gais capasiti ychwanegol ar-lein. Mae copi papur o'r ffurflen hefyd ar gael o Ganolfannau Gwasanaethau Cwsmeriaid y Cyngor.
Efallai y bydd un o'n tîm yn ymweld â chi i drafod eich amgylchiadau. Os ydym yn fodlon eich bod yn ailgylchu cymaint â phosibl, byddwn yn rhoi bagiau brand y Cyngor i chi i'w defnyddio.
Noder, ar gyfer gwastraff gweddilliol sy'n digwydd dros dro neu'n dymhorol – fel lludw glo – cyflwynwch eich cais yn agosach at yr amser defnyddio.
Rydym yn deall nad yw pawb yn gallu ailgylchu eu gwastraff. Gallwch chi, neu rywun ar eich rhan, wneud cais am gapasiti ychwanegol trwy lenwi'r ffurflen gais capasiti ychwanegol ar-lein. Mae copi papur o'r ffurflen hefyd ar gael o Ganolfannau Gwasanaethau Cwsmeriaid y Cyngor.
Efallai y bydd un o'n tîm yn ymweld â chi i drafod eich amgylchiadau. Efallai y byddwn yn rhoi bagiau brand Cyngor i chi i'w defnyddio.
Nid oes unrhyw dystiolaeth bod cyfyngiadau ar wastraff gweddilliol yn arwain at dipio anghyfreithlon. Nid oes byth unrhyw esgus dros dipio anghyfreithlon, ac rydym yn credu bod y rhan fwyaf o drigolion Ceredigion eisoes yn gwneud y peth iawn ac yn parhau i wneud y peth iawn.
Bydd unrhyw un y canfyddir ei fod yn tipio anghyfreithlon yn cael ei erlyn.
Nid oes unrhyw dystiolaeth i awgrymu y byddai cyfyngu ar faint o fagiau gwastraff gweddilliol y gall pobl eu rhoi allan yn eu hannog i halogi eu bagiau ailgylchu.
Ni fydd bagiau ailgylchu, biniau gwastraff bwyd, a blychau gwydr sy'n cynnwys gwastraff nad oes modd ei ailgylchu yn cael eu casglu.
Rydym yn gofyn i bob cartref gydymffurfio â'r cyfyngiad gwastraff gweddilliol.
Byddwn yn adolygu'r defnydd o bwyntiau casglu cymunedol. Efallai y gofynnir i rai preswylwyr yn yr amgylchiadau hyn roi'r gorau i ddefnyddio pwynt casglu cymunedol a chyflwyno eu gwastraff yn unigol ar ochr y palmant yn lle hynny. Bydd ein cynghorwyr yn cysylltu â nhw maes o law a'u cefnogi i wneud y newid hwnnw.
Bydd sticer yn cael ei roi ar fagiau gwastraff gweddilliol gormodol gan ein tîm casglu a'u gadael ar ôl.
Mae gan bawb ddyletswydd i ofalu am y gwastraff maen nhw'n ei gynhyrchu a dilyn y rheoliadau. Rydym yn deall y bydd gan rai cwestiynau neu fod angen cymorth pellach. Bydd unrhyw breswylwyr sy'n anwybyddu'r polisi tri bag dro ar ôl tro yn ymweld â'n cynghorwyr a lle bo hynny'n briodol, bydd cosbau penodedig yn cael eu cymhwyso.
Gallwch fynd â'ch ailgylchu domestig i safle gwastraff cartref. Nid yw'r safleoedd yn derbyn gwastraff bwyd.
Mae yna bolisi dim gwastraff annidoledig ar waith ym mhob Safle Gwastraff Cartref. Mae hyn yn golygu y bydd yn ofynnol i unrhyw un sydd am gael gwared ar wastraff gweddilliol i ddidoli drwy eu bag/bin gwastraff ar y safle a chael gwared ar unrhyw beth y gellir ei ailgylchu cyn rhoi’r gwastraff nad oes modd ei ailgylchu yn y sgip priodol.
Peidiwch â cheisio mynd â'ch gwastraff cyffredinol heb ei ddidoli i un o'r safleoedd. Rydym yn eich annog i ddidoli eich gwastraff i'w ailgylchu cyn teithio i safle.
Mae gan ddeiliaid tai rwymedigaeth gyfreithiol (dyletswydd gofal) i gymryd pob mesur rhesymol i sicrhau bod eich gwastraff yn cael ei waredu'n iawn.
Mae eich dyletswydd gofal yn golygu y dylech drosglwyddo'ch gwastraff i rywun sydd wedi'i awdurdodi i dderbyn y gwastraff hwnnw yn unig. Mae'r Rheoliadau yno i atal gweithgareddau gwastraff anghyfreithlon fel tipio anghyfreithlon. Mae unigolion mewn perygl o gael dirwy os ydynt yn trosglwyddo eu gwastraff i berson neu gwmni anawdurdodedig.
Dylech ofyn i'ch casglwr gwastraff am fanylion eu cofrestriad cludwr gwastraff, a gwirio ble maen nhw'n bwriadu mynd â'r gwastraff. Cofnodwch rifau cofrestru cerbydau unrhyw gerbyd a ddefnyddir gan gludwr gwastraff preifat i fynd â'ch gwastraff i ffwrdd a gofynnwch am dderbynneb neu anfoneb briodol. Ewch i Taclo Tipio Cymru am ragor o wybodaeth.
Noder, os ydych chi'n talu rhywun i gael gwared â'ch gwastraff, bod y gwastraff hwnnw'n cael ei ddosbarthu fel gwastraff masnachol. Nid ydym yn caniatáu i gludwyr gwastraff masnachol waredu gwastraff yn unrhyw un o Safleoedd Gwastraff Cartref y sir.
Dim ond 3 bag y cewch roi allan ar gyfer pob casgliad. Os ydych i ffwrdd adeg eich casgliad ac nad yw'ch cymydog neu'ch teulu/ffrind yn gallu rhoi eich gwastraff ar ochr y palmant i'w gasglu, yna gallwch fynd â'ch bagiau wedi'u didoli i'ch Safle Gwastraff Cartref.
Fodd bynnag, nodwch fod cyfyngiadau'n berthnasol ar y Safle Gwastraff Cartref.
Dim ond 3 bag y cewch roi allan ar gyfer pob casgliad. Os ydych wedi cynhyrchu mwy o wastraff nag arfer, ewch â'r bagiau gwastraff dros ben wedi'u didoli i'ch Safle Gwastraff Cartref agosaf.
Fodd bynnag, nodwch fod cyfyngiadau'n berthnasol ar y Safle Gwastraff Cartref.
Os yw'ch carafán yn eiddo domestig, bydd y cyfyngiad yn berthnasol. Fel arall, mae'r gwastraff yn cael ei ddosbarthu fel trefniadau gwastraff masnachol a dylai fod ar waith.
Ewch i'n tudalen we Gwastraff Masnachol i ddarganfod mwy.
Ceisiwch ofyn i gymydog neu deulu/ffrindiau a allech chi fynd gyda nhw pan fyddant yn ymweld â Safle Gwastraff Cartref.
Os nad yw hyn yn bosibl, yna cysylltwch â ni i drafod neu drefnu ymweliad ag un o'n cynghorwyr i drafod y cynllun, sicrhau eich bod yn ailgylchu popeth y gallwch ac i drafod opsiynau amgen.
Yn y sefyllfaoedd hyn, bydd ein criwiau casglu gwastraff yn cael eu cynghori am unrhyw newidiadau i'r cyfyngiad. Efallai na fydd yn bosibl i ni gyfathrebu newidiadau penodol gyda chi. Gan fod pob senario yn wahanol, bydd y trefniadau penodol hefyd yn wahanol. Mae'n ofynnol i drigolion barhau i ddefnyddio gwasanaethau ailgylchu'r Cyngor. Nid ein bwriad yw cosbi preswylwyr lle rydym wedi methu â darparu'r gwasanaeth a hysbysebwyd.
Os yw rhywun arall wedi rhoi eu gwastraff y tu allan i'ch eiddo, cysylltwch â ni. Gallai unrhyw un a geir yn cyflwyno gwastraff y tu allan i eiddo rhywun arall gael ei erlyn.
Dylai'r sticer esbonio pam y gwnaethom adael eich bagiau ar ôl. Gallai hyn fod oherwydd bod gormod o fagiau, neu fod y bagiau'n rhy fawr, neu eu bod yn rhy drwm. Noder:
- Yn y rhan fwyaf o amgylchiadau, dim ond hyd at dri bag y byddwn yn eu casglu bob diwrnod casglu.
- Ni ddylai'r bagiau fod yn fwy na bag ailgylchu clir (60 litr)
- Ni ddylai'r bagiau fod yn drymach na 20Kg
Rhowch eich gwastraff gweddilliol mewn bag addas a'i roi allan i'w gasglu ar eich diwrnod casglu gwastraff gweddilliol nesaf. Os oes angen help arnoch, cysylltwch â ni.