Cynhyrchiad newydd ‘Dylan a Jim’ gan Theatr Fel1 yn cael ei gyflwyno’r haf hwn
Bydd grŵp drama oedolion newydd Theatr Felinfach, Theatr Fel1, yn cyflwyno eu perfformiad cyntaf Dylan a Jim ym mis Gorffennaf.
Mae’r grŵp yn cyfarfod unwaith bob pythefnos yn Theatr Felinfach i ddatblygu sgiliau drama ac i greu cynyrchiadau newydd. Yn ddiweddar, maent wedi bod yn gweithio ar ddrama radio newydd sbon sy’n archwilio gwaith Dylan Thomas mewn ffordd chwareus, gan ddychmygu sgyrsiau rhwng y bardd a’r Prifardd T. James Jones (Jim Parc Nest).
Dywedodd Sioned, Uwch Swyddog Creadigol Theatr Felinfach: “Rydyn ni’n edrych ymlaen yn eiddgar at berfformiad cyntaf Theatr Fel1. Mae Dylan a Jim yn cael ei pherfformio’n fyw mewn arddull drama radio ac yn chwarae gyda’r syniad o’r sgyrsiau allai fod wedi digwydd pe bai Jim Parc Nest wedi cyfarfod Dylan Thomas.
Mae’r aelodau wedi mwynhau’r cyfle i gamu i esgidiau nifer o gymeriadau cofiadwy Dylan Thomas, yn arbennig o Dan y Wenallt.”
Ychwanegodd Dwynwen Lloyd Llywelyn, Pennaeth Theatr Felinfach ac awdur y sgript: “Mae Jim Parc Nest wedi sôn llawer am y cysylltiadau rhwng ei deulu ef a theulu Dylan Thomas, er na fu iddynt gyfarfod. Mae’r ddrama Dan y Wenallt yn dathlu gwaith Dylan Thomas mewn ffordd Gymreig ond ffyddlon i’r gwreiddiol.”
Treuliodd Dylan Thomas gyfnod yng Ngheredigion, ac mae’r ardal wedi bod yn ysbrydoliaeth i’w waith creadigol. “Rydyn ni’n gyffrous iawn i rannu’r profiad unigryw yma gyda chynulleidfaoedd,” ychwanegodd Sioned.
Manylion y perfformiadau
• Gwesty Tŷ Glyn, Ciliau Aeron – 2 Gorffennaf
• Canolfan Alun R. Edwards, Llyfrgell Ceredigion, Aberystwyth – 8 Gorffennaf
Bydd Tŷ Glyn hefyd yn cynnig bwydlen arbennig cyn y sioe — cysylltwch â’r lleoliad yn uniongyrchol i drefnu.
Tocynnau a rhagor o wybodaeth
Ewch i wefan Theatr Felinfach neu cysylltwch â’r swyddfa docynnau:
01570 470697
theatrfelinfach@ceredigion.gov.uk
Dilynwch ar y cyfryngau cymdeithasol:
Facebook a YouTube: Theatr Felinfach
Instagram: @theatrfelinfach
23/06/2026