Cymorth i gymunedau a busnesau yng Ngheredigion
Yn rhan o’n hymrwymiad parhaus i gefnogi busnesau a chymunedau i ddarparu atebion cynaliadwy ond arloesol i fynd i’r afael â rhai o’r heriau economaidd, cymdeithasol ac amgylcheddol sy’n wynebu ardaloedd gwledig, mae Cyngor Sir Ceredigion yn darparu Cronfa Cynnal y Cardi a ariennir gan Lywodraeth y DU trwy Gronfa Ffyniant Gyffredin y DU.
Rydym yn lansio dwy gronfa sy’n cynnig cyfleoedd cyllid sy’n agor dydd Mercher, 18 Mehefin 2025
- Cronfa Gymorth Cynnal y Cardi ar gyfer Datblygu Cymunedol
£1,000 a hyd at £50,000.
Mae Cronfa Gymorth a Datblygu Cymunedol Cynnal y Cardi yn darparu cefnogaeth i gymunedau a fydd yn cynnwys cymorth ar gyfer gwariant refeniw a gwelliannau cyfalaf. Rhaid bod ymgeiswyr yn cael cymorth cymunedol ac mae’n rhaid eu bod yn llenwi’r ffurflen gais mewn ymgynghoriad â’r darparwyr cymorth cymunedol canlynol:
- CAVO Cymdeithas Mudiadau Gwirfoddol Ceredigion
- Severn Wye Energy Agency Ltd
- Cwmpas
- Cronfa Cyfalaf Busnes Cynnal y Cardi
£5,000 a hyd at £50,000.
Mae Cronfa Cyfalaf Busnes Cynnal y Cardi yn cynorthwyo busnesau i ddatblygu’n economaidd. Mae’r gronfa wedi ei sefydlu ar ffurf cynllun grant busnes, a fydd yn cynnwys cymorth ar gyfer prosiectau gwariant cyfalaf a gwariant refeniw arbenigol (e.e. costau hyfforddi sy’n gysylltiedig â phryniannau offer cyfalaf – heb gynnwys costau staff neu gostau rhedeg parhaus).
Er mwyn bod yn gymwys i ymgeisio, rhaid i ymgeiswyr cael cymorth busnes, ac yn llenwi’r ffurflen gais mewn ymgynghoriad naill â’i gyda un o ddarparwyr cymorth busnes a restrir isod, neu gyda ymgynghorwr cydnabyddedig arall.
- Antur Cymru
- Mentera
- Busnes Cymru
- Severn Wye Energy Agency Ltd
- Canolfan Bwyd Cymru
- Landsker
- Cwmpas
Dywedodd y Cynghorydd Clive Davies, Aelod Cabinet Ceredigion dros yr Economi ac Adfywio: “Mae'n bwysig bod busnesau a chymunedau cymwys yn cael y cyfle i fanteisio ar y Cymorth ariannol sydd ar gael. Os yw eich sefydliadau yn cyd-fynd â'r meini prawf, ewch amdani a gwnewch gais am y grant."
Asesir pob cynnig at ddibenion cymhwystra, os caiff ei gymeradwyo, yna gwahoddir chi i gyflwyno cais llawn.
Croesawir ceisiadau yn Gymraeg neu yn Saesneg. Caiff ceisiadau a gyflwynir yn y naill iaith neu’r llall eu trin yn gyfartal.
Bydd y ddwy gronfa yn croesawu ceisiadau dan drefniant y cyntaf i’r felin rhwng 18 Mehefin 2025 a 30 Medi 2025, neu nes y caiff y gronfa ei neilltuo yn llawn.
Am fwy o wybodaeth ewch i dudalen gwe Cronfa Ffyniant Gyffredin DU 2025-2026