Cyflogi Ymadawyr Carchar: Datgloi Potensial yng Nghanolbarth a Gogledd Cymru
Gwahoddir busnesau ledled Canolbarth a Gogledd Cymru i archwilio gweithlu sydd heb ei gyffwrdd mewn dau ddigwyddiad sydd ar ddod gyda'r nod o bontio'r bwlch rhwng cyflogwyr a'r rhai medrus sy'n gadael carchar.
Trefnir y digwyddiadau gan Bartneriaeth Sgiliau Rhanbarthol Canolbarth Cymru (PSRhCC), Partneriaeth Sgiliau Rhanbarthol Gogledd Cymru (PSRhGC), a'r Adran Gwaith a Phensiynau (DWP), bydd y digwyddiadau'n herio canfyddiadau ac yn rhoi cipolwg gwerthfawr i gyflogwyr ar gyflogi unigolion sydd â phrofiadau byw o'r system gyfiawnder.Bydd y digwyddiadau yn cael eu cynnal yn:
📅 Venue Cymru, Llandudno – Ebrill 8, 2025 | 9:00 AM - 12:00 PM 🔗 Cofrestrwch yma: https://www.eventbrite.co.uk/e/employing-prison-leavers-unlocking-potential-in-north-wales-tickets-1273870604269?aff=oddtdtcreator
📅 Eglwys Hope, Y Drenewydd – Ebrill 9, 2025 | 9:00 AM - 12:00 PM 🔗 Cofrestrwch yma: https://www.eventbrite.com/e/1277877077739?aff=oddtdtcreator
Mae busnesau ledled Cymru yn wynebu prinder sgiliau, ac eto mae miloedd o unigolion talentog yn cael eu hanwybyddu. Bydd y digwyddiadau hyn yn dangos sut y gall busnesau elwa o gyflogi pobl medrus sy'n gadael carchar gan chwalu camsyniadau.
Bydd y digwyddiadau’n cynnwys trafodaeth banel gyda chyflogwyr sydd wedi cyflogi ymadawyr carchar yn llwyddiannus, yn ogystal âg adroddiadau uniongyrchol gan unigolion sydd wedi trosglwyddo i'r gweithlu. Bydd sesiynau chwalu mythau dan arweiniad cynrychiolwyr Gwasanaeth Carchardai a Phrawf EF, Cymru'n Gweithio, Cymunedau am Waith +, ac anogwyr gwaith DWP yn mynd i'r afael â phryderon cyffredin ynghylch cyflogaeth ar ôl carchar.
Ychwanegodd Tony McCafferty, cynrychiolydd CEF Berwyn: "Mae llawer o bobl yn y carchar wedi ennill cymwysterau gwerthfawr a phrofiad gwaith, ond eto maen nhw'n cael trafferth dod o hyd i swyddi ar ôl cael eu rhyddhau. Yn aml, mae cyflogwyr sy'n rhoi cyfle iddynt yn darganfod staff ymroddedig a gweithgar."
Yn ôl Y Weinyddiaeth Gyfiawnder, mae gan 27% o oedolion oedran gweithio yn y DU euogfarn droseddol, sy'n golygu y gallai busnesau sy'n eithrio'r grŵp hwn o'u proses recriwtio fod yn colli allan ar gronfa dalent sylweddol.
Gyda heriau recriwtio ar draws sawl sector, gallai cyflogi ymadawyr carchar fod yn allweddol i ddatgloi gweithlu medrus a brwdfrydig.
Mewn datganiad ar y cyd, dywedodd Emma Thomas, Cadeirydd, Partneriaeth Sgiliau Rhanbarthol Canolbarth Cymru a David Roberts, Cadeirydd, Partneriaeth Sgiliau Rhanbarthol Gogledd Cymru: "Nid yn unig yw rhoi ail gyfle i bobl yn dda i'r gymdeithas - mae'n dda i fusnes. Bydd y digwyddiadau hyn yn helpu cyflogwyr i weld y gwir botensial o ran cyflogi pobl medrus sy'n gadael carchar."
Gall cyflogwyr gofrestru nawr i fynychu un o'r digwyddiadau a darganfod sut y gallai cyflogi rhywun sy'n gadael carchar fod yn gam tuag at adeiladu gweithlu cryfach.
---DIWEDD---