Lleisiau Eraill Aberteifi yn dathlu'r nifer mwyaf erioed o bobl wedi mynychu gyda'r ŵyl fwyaf llwyddiannus hyd yma
Daeth digwyddiad Lleisiau Eraill Aberteifi 2024 i ben gyda chynhyrchwyr yr ŵyl yn adrodd y ffigyrau uchaf erioed ar gyfer pumed rhifyn y digwyddiad yn gynharach y mis hwn. Denodd y digwyddiad tri diwrnod hwn, a gynhaliwyd 31 Hydref tan 2 Tachwedd, filoedd o ddilynwyr cerddoriaeth i dref arfordirol Aberteifi, gan drochi eu hunain mewn rhaglen wedi’i churadu gan ddathlu cerddoriaeth, cyfeillgarwch, iaith, syniadau a diwylliant o’r ddwy ochr o Fôr Iwerddon a thu hwnt.
Roedd uchafbwyntiau’r ŵyl yn cynnwys perfformiadau serol gan Nadine Shah, Bill Ryder Jones, a Fabiana Palladino. Cafodd cynulleidfaoedd Eglwys y Santes Fair berfformiad acwstig gan flaenwr y Manics, James Dean Bradfield, a wnaeth berfformio fersiynau arbennig o’r clasuron ‘Motorcycle Emptiness’, ‘A Design for Life’, a ‘Ready for Drowning’. Perfformwyr eraill yr Eglwys eleni oedd Charlotte Day Wilson, Melys, Victor Ray, a Georgia Ruth.
Gan ddarparu rhaglen ryfeddol ac ysbrydoledig ar draws amrywiaeth eang o genres cerddorol, cynhaliwyd digwyddiadau mewn caffis, bariau, mannau addoli a lleoliadau celfyddydol. Wrth i dros 42 o berfformwyr sefydledig a newydd o Gymru ac Iwerddon chwarae’r Llwybr Cerdd, a thua 300 o artistiaid a chriw yn gweithio a pherfformio, wnaeth yr ŵyl rhoi hwb i’r economi leol hefyd, gyda llawer o fusnesau’n adrodd am gynnydd mewn traffig traed a gwerthiant yn ystod y digwyddiad.
Dros y penwythnos, gwelodd yr ŵyl dros 15,000 o fynychon unigol i dros 100 o berfformiadau dros y penwythnos, sy’n cynrychioli cynnydd o 36% ar 2023. Cynyddodd ymwelwyr o’r tu allan i Gymru hefyd yn sylweddol gyda 41%, gyda chefnogwyr cerddoriaeth yn dod o Iwerddon, yr Eidal, Efrog Newydd , Sweden a'r Almaen.
Ychwanegodd Dilwyn Davies, Prif Swyddog Gweithredol y Mwldan, cyd-gynhyrchwyr y digwyddiad: "Mae eleni wedi bod yn llwyddiant ysgubol arall. Rydym wedi dathlu bywiogrwydd y sîn gerddoriaeth ar y ddwy ochr i Fôr Iwerddon, ac ysbryd ein cymunedau. Mae ymateb y gynulleidfa wedi bod yn hynod gadarnhaol a llawen, ac ni allwn aros i ddod â phawb at ei gilydd eto yn 2025."
Dywedodd Phillip King, sylfaenydd Lleisiau Eraill: “Wnaeth Aberteifi dod yn fyw â cherddoriaeth wych a thynnu coes ysgogol a phryfoclyd pan ddaeth Lleisiau Eraill i’r dref. Mae'r digwyddiad yn tyfu ac yn ehangu flwyddyn ar ôl blwyddyn, gan ddenu mwy o ymwelwyr i'r dref hardd hon. Mae’n bleser pur dod â Lleisiau Eraill ar draws Môr Iwerddon, chwalu rhwng Iwerddon a Chymru a dod â ni at ein gilydd mewn ffordd sy’n dyfnhau a chryfhau pob agwedd o’n perthynas.”
Dywedodd y Cynghorydd Clive Davies, Aelod Cabinet Ceredigion dros yr Economi ac Adfywio: “Mae Lleisiau Eraill Aberteifi 2024 wedi bod yn ddigwyddiad rhyfeddol i’n cymuned. Roedd yr ŵyl nid yn unig yn arddangos amrywiaeth anhygoel o dalent gerddorol ond hefyd wedi dod â hwb sylweddol i’n heconomi leol. Mae'r mewnlifiad o ymwelwyr o bob rhan o'r byd wedi amlygu Aberteifi fel canolbwynt diwylliannol bywiog. Rydym yn hynod falch o gefnogi digwyddiad sy’n dathlu’r tapestri cyfoethog o gerddoriaeth, diwylliant, a chyfeillgarwch rhwng Cymru ac Iwerddon. Profiad bythgofiadwy.”
Cafodd perfformiadau'r Eglwys eu ffrydio’n fyw ar sianel YouTube Lleisiau Eraill a’u ffrydio ar yr un pryd i’r sgrin fawr yn y Mwldan, Aberteifi, a fydd uchafbwyntiau’n cael eu darlledu’n ddiweddarach ar deledu BBC Cymru, BBC iPlayer ac RTÉ a RTÉ Player drwy ein partneriaid cyfryngau. Cyflwynwyd y digwyddiad gan DJ o'r BBC, Huw Stephens, sy'n cymryd rhan yn gyson â Lleisiau Eraill.
Llwyfannir Lleisiau Eraill Aberteifi gyda chefnogaeth Llywodraeth Cymru a Llywodraeth Iwerddon, a’r Adran Twristiaeth, Diwylliant, Celfyddydau, Gaeltacht, Chwaraeon a Chyfryngau, Cronfa Gymodi'r Adran Materion Tramor a chaiff ei chynhyrchu gan South Wind Blows mewn partneriaeth â Mwldan a Triongl. Ariennir y prosiect hwn yn rhannol gan Lywodraeth y DU drwy Gronfa Ffyniant Gyffredin y DU. Cefnogir gan Gyngor Sir Ceredigion. Caiff Lleisiau Eraill Aberteifi ei ffilmio ar gyfer darllediad teledu sydd ar ddod ar BBC Wales ac RTÉ, ac ar BBC iPlayer ac RTÉ Player.