Sut i Dalu
Cewch wneud amrywiol daliadau trwy'r wefan ddiogel yma gan ddefnyddio'r rhan fwyaf o'r prif gardiau credyd neu ddebyd.
Gallwch dalu drwy Ddebyd Uniongyrchol drwy eich Cyfrif Banc neu Gymdeithas Adeiladu.
Rhoddir rhybudd o 14 diwrnod i chi yn nodi'r swm i'w ddebydu neu'n rhoi gwybod i chi am unrhyw newid a wnaed yn y swm neu'r dyddiadau talu
- Os gwneir camgymeriad, cewch ad-daliad llawn yn ddi-oed gan eich cangen
- Gallwch ganslo'r Debyd Uniongyrchol ar unrhyw adeg drwy ysgrifennu at eich Banc neu Gymdeithas Adeiladu. Defnyddiwch brint bras ar y ffurflen Debyd Uniongyrchol
Gallwch gofrestru ar gyfer Debyd Uniongyrchol ar-lein. Drwy gofrestru ar gyfer Cyswllt gallwch weld eich Treth Cyngor, Budd-daliadau neu gyfrifon Trethi Busnes ar-lein. Gyda cyfrif Cyswllt gallwch weld eich hysbysiadau, weld eich balans, newid eich manylion Debyd Uniongyrchol a llawer mwy. Cliciwch ar y cyswllt Cyswllt / E-Bilio ar y chwith i gofrestru.
Gallwch ddefnyddio un o'r dulliau isod i dalu:
Rhaid i'r cerdyn rhandaliadau gael ei ddangos gyda'r tâl.
| Drwy'r Post | Dylai sieciau neu Archebion Post gael eu gwneud yn daladwy i "Gyngor Sir Ceredigion" a'u croesi. (Ysgrifennwch eich cyfeirif ar gefn y siec neu'r archeb bost.) Dylai arian parod gael ei anfon drwy'r Post Cofrestredig yn unig. Anfoner at: Swyddog Arweiniol Corfforaethol, Cyllid a Chaffael Neuadd Cyngor Ceredigion Penmorfa Aberaeron Ceredigion SA46 0PA |
|---|---|
| Dros Y Ffôn | neu yn bersonol yn unrhyw un o Swyddfeydd y Cyngor a restir yn y llyfryn. Gallwch hefyd wneud taliadau drwy ffôn dôn gyffwrdd Ffoniwch 0845 6071012 a dilyn y cyfarwyddiadau. |
| Swyddfeydd Post a safleoedd 'Payzone' | Mae eich nodyn hawlio yn cynnwys côd bar y gellir ei ddefnyddio i wneud taliad mewn Swyddfa Bost neu safle 'Payzone' gan ddefnyddio cerdyn debyd, arian parod neu siec. Bydd angen i chi gyflwyno nodyn hawlio wrth wneud y taliad. Dewch o hyd i'ch 'Payzone' agosaf yn Ceredigion. |
Mae'r taliadau'n ddyledus ar y 1af o bob mis rhwng mis Ebrill a mis Ionawr. Fel arall, fe allwch ddewis gwneud un taliad ar Fai 1af neu ddwywaith y flwyddyn ar Fai 1af a Hydref 1af. Fedrwch hefyd ddewis i dalu dros 12 mis. Cysylltwch a'r Adran Drethi Lleol i dreffnu hyn. Os dewyswch i dalu drwy debyd Uniongyrchol, fedr hyn hefyd gael ei dreffnu ar 1af, 15ed neu 22ain o'r mis.
Gwasanaeth Negeseua ynghylch Treth y Cyngor
Os yw eich cyfrif Treth y Cyngor yn mynd i ddyled, efallai y byddwn yn cysylltu â chi gan ddefnyddio gwasanaeth negeseua a fydd yn anfon neges destun, e-bost a/neu neges llais atoch i ddenu eich sylw at y mater.
Gall y gwasanaeth hwn eich atal rhag derbyn hysbysiad adennill statudol ac osgoi costau adennill pellach.
Er y cynigir y gwasanaeth hwn er mwyn atal cwsmeriaid rhag mynd i ragor o ddyled, ni ddylech ddibynnu arno.
Eich cyfrifoldeb chi yw cynnal taliadau a chadw rhandaliadau’n gyfredol. Gall methu â gwneud hynny achosi’r Cyngor i gymryd camau adennill.
Os oes gennych unrhyw amheuaeth am ddilysrwydd unrhyw neges yr ydych yn ei derbyn gan Gyngor Sir Ceredigion, cysylltwch â ni yn uniongyrchol.
Gwasanaeth Negeseuon Testun
Bydd negeseuon testun dilys yn ymddangos fel ‘Ceredigion’ ac yn cynnwys dolen i sgrin wirio ddiogel.
Bydd y ddolen yn cynnwys yr is-barth info.ceredigion.gov.uk info.ceredigion.gov.uk fel y dangosir yn yr enghraifft isod:
Bydd clicio ar y ddolen yn eich cymryd trwodd i’r dudalen ddilysu a ddangosir isod. Bydd angen i chi fewnbynnu eich cod post a bydd gennych tair ymgais i fewnbynnu’r cod post cywir cyn y bydd mynediad yn cael ei rwystro.
Unwaith y bydd eich hunaniaeth wedi’i chadarnhau, byddwch yn cael eich ailgyfeirio at dudalen newydd a fydd yn dangos manylion eich taliad(au) Treth y Cyngor sy’n ddyledus ac yn darparu dolenni i chi wneud taliad, ein manylion cyswllt os oes gennych unrhyw ymholiadau a dolen i sefydlu Debyd Uniongyrchol ar gyfer taliadau yn y dyfodol.
Gwasanaeth E-bost
Bydd e-byst yn cael eu hanfon o gyfeiriad e-bost Cyngor Sir Ceredigion, sef email@info.ceredigion.gov.uk. Bydd llinell bwnc yr e-bost bob amser yn cynnwys eich enw a’ch cyfeirnod Treth y Cyngor wedi’u dilyn gan Neges Atgoffa ynghylch Treth y Cyngor - Peidiwch â’i Hanwybyddu. Bydd corff yr e-bost yn darparu dolenni ar gyfer taliadau naill ai trwy eich ap bancio eich hun neu drwy wefan Cyngor Sir Ceredigion www.ceredigion.gov.uk neu dros y ffôn, fel y gwelwch yn yr enghraifft isod.
Gwasanaeth Negeseuon Llais Parod
Os byddwn yn eich ffonio chi, y rhif a arddangosir bydd 01545570881.
Pan fyddwch yn ateb yr alwad, bydd y neges llais barod yn gofyn i chi gadarnhau eich hunaniaeth. Yna, byddwch yn cael manylion eich taliad(au) Treth y Cyngor sy’n ddyledus ac opsiynau o ran sut gallwch chi wneud taliad, fel y manylwyd yn y negeseuon gwasanaeth blaenorol.