Gorchmynion Rheoleiddio Traffig Llefydd Parcio

Gorchmynion Rheoleiddio Traffig Llefydd Parcio Oddi ar y Stryd arfaethedig a rhai a gyflwynwyd yn ddiweddar

Gorchymyn Cyngor Sir Ceredigion (Llefydd Parcio Oddi ar y Stryd) 2025

Rhoddir rhybudd drwy hyn bod Cyngor Sir Ceredigion wedi gwneud y Gorchymyn Cyngor Sir Ceredigion (Llefydd Parcio Oddi ar y Stryd) 2025 ar 09/04/2025.

Effaith y Gorchymyn hwn fydd:

a. Dirymu Gorchymyn Cyngor Sir Ceredigion (Llefydd Parcio Oddi ar y Stryd) (Cydgrynhoi) 2012; Gorchymyn Cyngor Sir Ceredigion (Llefydd Parcio Oddi ar y Stryd) (Cydgrynhoi) 2012 (Gorchymyn Diwygio 1) 2014; a Gorchymyn Cyngor Sir Ceredigion (Llefydd Parcio Oddi ar y Stryd) (Cydgrynhoi) 2012 (Gorchymyn Diwygio 2) 2017.

b. Ailgyflwyno darpariaethau'r Gorchmynion uchod ac eithrio fel a ganlyn:

Newid dyddiau ac oriau codi tâl y meysydd parcio canlynol - Ffordd yr Eglwys a Stryd y Cware, Ceinewydd; Traeth y De, Aberaeron a Promenâd Newydd, Aberystwyth - o 1 Mawrth - 31 Hydref, 8am - 10pm i Bob Dydd, 8am - 6pm.
Newid dynodiad Maes Parcio Pendre, Aberteifi o Faes Parcio Deiliad Trwydded yn Unig i Faes Parcio Arhosiad Byr, Pob Dydd, 8am- 6pm, uchafswm arhosiad 2 awr.
Wedi'i esemptio rhag talu taliadau mewn Meysydd Parcio Arhosiad Hir ac Arhosiad Byr Gerbyd sy'n arddangos Bathodyn dilys Person Anabl ar yr amod bod y Cerbyd hwnnw ar adeg ei barcio naill ai'n cael ei yrru neu'n cael ei feddiannu fel teithiwr gan ddeiliad Bathodyn y Person Anabl.
Cyflwyno darpariaethau sy'n ymwneud â defnyddio Cilfachau Gwefru Cerbydau Trydan a Mannau cysylltiedig Gwefru Cerbydau Trydan.
Newid maint Maes Parcio Maesyrafon, Aberystwyth i gynnwys yr estyniad newydd arfaethedig i'r maes parcio hwn.
Cyflwyno Atodlenni diwygiedig Taliadau yn unol ag Atodlen 2 a 3 i'r Hysbysiad hwn.
Diweddaru darpariaethau sy'n ymwneud â dulliau talu'r taliadau ar gyfer defnyddio Llefydd Parcio Arhosiad Hir a Byr.
Diweddaru a mewnosod diffiniadau o dan Ran 2 - Dehongli.
Diweddaru'r Atodlen o fapiau sy'n dynodi maint y Llefydd Parcio er mwyn:
1. adlewyrchu data topograffig wedi'i ddiweddaru,
2. cael gwared ar ddarnau o dir a werthwyd gan y Cyngor,
3. cael gwared ar ddarnau o dir nad ydynt bellach yn cael eu lesio gan y Cyngor, a
4. i gywiro hepgoriadau / gwallau ym maint y Llefydd Parcio presennol.
Dileu darpariaethau nad ydynt bellach yn berthnasol.
Diweddaru darpariaethau lle bo angen er mwyn cyd-fynd â newidiadau mewn deddfwriaeth.

Rhoddwyd y gorau i’r bwriad, a oedd yn rhan o'r Gorchymyn arfaethedig gwreiddiol, i newid dynodiad Maes Parcio Rhes Gloster / Red Lion, Aberteifi o Faes Parcio Talu ac Arddangos i Faes Parcio Deiliaid Trwydded yn Unig. Felly, ni fydd dim newid i statws presennol Maes Parcio Rhes Gloster / Red Lion a bydd yn parhau i fod yn Faes Parcio Talu ac Arddangos.

Daw’r Gorchymyn i rym ar 07/05/2025, a gellir gweld copi ohono isod ac yn swyddfeydd Cyngor Sir Ceredigion ym Mhenmorfa, Aberaeron; Canolfan Alun R Edwards, Maes y Frenhines, Aberystwyth; Swyddfeydd y Cyngor, Stryd Morgan, Aberteifi; a Swyddfeydd y Cyngor, Stryd y Farchnad, Llanbedr Pont Steffan, yn ystod oriau arferol swyddfeydd.

Os bydd rhywun yn dymuno codi amheuaeth ynghylch dilysrwydd y Gorchymyn neu unrhyw ddarpariaethau a geir ynddo, ar y sail nad ydyw’n unol â’r pwerau a roddir gan y Ddeddf, neu ar y sail nas cydymffurfiwyd ag unrhyw ofyniad o’r Ddeddf neu unrhyw offeryn a wnaethpwyd dan y Ddeddf honno wrth wneud y Gorchymyn, gallant wneud hynny cyn pen chwe wythnos ar ôl y dyddiad y gwnaethpwyd y Gorchymyn drwy wneud cais penodol i’r Uchel Lys.

Atodlen 1

Llefydd Parcio Effeithir Arnynt

Llefydd Parcio Arhosiad Byr

Sgwâr Maesglas, Aberteifi
Pendre, Aberteifi
Stryd y Farchnad, Llanbedr Pont Steffan
Canolfan Alun R Edwards, Aberystwyth

Llefydd Parcio Arhosiad Hir

Pen Isaf Ffordd y Gaer, Aberaeron
Traeth y Gogledd, Aberaeron
Pwll Cam, Aberaeron
Traeth y De, Aberaeron
Canolfan Rheidol, Aberystwyth
Pen Isaf Coedlan y Parc, Aberystwyth
Maesyrafon, Aberystwyth
Y Promenâd Newydd, Aberystwyth
Ffordd y Gogledd, Aberystwyth
Coedlan y Parc, Aberystwyth
Baddondy, Aberteifi
Cae'r Ffair, Aberteifi
Rhes Gloster/Red Lion, Aberteifi
Mwldan, Aberteifi
Stryd y Cei, Aberteifi,
Cwmins, Llanbedr Pont Steffan
Rookery, Llanbedr Pont Steffan
Teras y Porth, Llandysul
Ffordd yr Eglwys, Ceinewydd
Stryd y Cware, Ceinewydd
Iard y Talbot, Tregaron

Llefydd Parcio Cilfachau Neilltuedig I Ddeiliad Trwydded Yn Unig

Rhes y Poplys, Aberystwyth
Pen Isaf Mwldan, Aberteifi
Lôn y Farchnad, Aberteifi

Atodlen 2

Taliadau Parcio Arhosiad Hir a Byr

Tabl ar gyfer Taliadau Parcio Arhosiad Hir a Byr
Band	Ardal	2 awr	3 awr	4 awr	24 awr
1	Arfordir Ceredigion - Llefydd Parcio yn Aberaeron, Aberystwyth, Aberteifi a Cheinewydd	£4.00	£4.50* *Sgwâr Maesglas yn unig	£5.00	£7.00
2	Canolbarth Ceredigion - Llefydd Parcio yn Llanbedr Pont Steffan, Llandysul a Thregaron	£3.00	n/a	£4.00	£5.00

Atodlen 3

Bandiau Trwyddedau Parcio (Lle bo'n Berthnasol)

Tabl ar gyfer Bandiau Trwydded Parcio (Lle'n Berthnasol)
Band	Math o Drwydded	3 mis	6 mis	9 mis	12 mis
Ceir, Beiciau Modur a Cerbydau hyd at 3.5t (ac eithrio Carafanét)
A	Arhosiad Hir Ceredigion (ac eithrio Ffordd y Gogledd)	£90	£165	£240	£295
B	Arhosiad Hir Ceredigion (gan gynnwys Ffordd y Gogledd) - wedi'i gyfyngu i drigolion a'r rheini a gyflogir o fewn ardal ddiffiniedig	£90	£165	£240	£295
Cerbydau Trwm (HGV / Bws / Coets) – Penodol i Lle Parcio - un i'w ddewis o'r 6 Llefydd Parcio canlynol:
C	Aberystwyth – Pen Isaf Coedlan y Parc Aberteifi – Cae’r Ffair, Mwldan neu Stryd y Cei Llanbedr Pont Steffan – Rookery Ceinewydd – Ffordd yr Eglwys	£180	£330	£480	£600
Cilfachau Neilltuedig
D	Cilfachau Neilltuedig (fesul lle)	N/A	N/A	N/A	£530

Y Gorchymun

Gorchymyn Cyngor Sir Ceredigion (Llefydd Parcio Oddi ar y Stryd) 2025