Gorfodaeth Cynllunio

Mae'r adain gorfodaeth cynllunio yn ymchwilio i achosion posibl o dorri rheolau cynllunio, gyda'r nod o ddatrys y materion hynny drwy ddefnyddio'r dulliau neu'r gweithredoedd mwyaf priodol. Yr adain hon sy'n gyfrifol am orfodi'r rheolau yng nghyswllt pob mater cynllunio, gan gynnwys mwynau.

Beth yw torri rheolau cynllunio?

Mae Deddf Cynllunio Gwlad a Thref 19990 yn diffinio torri rheolau cynllunio fel:-

"cyflawni datblygiad heb y caniatad cynllunio gofynnol, neu fethu cydymffurfio ag unrhyw amod neu gyfyngiad a osodwyd wrth roi caniatad cynllunio."

Enghreifftiau o dorri rheolau cynllunio:

Gwaith adeiladu, gweithrediadau peirianegol a newid defnydd materol a gyflawnir heb ganiatâd cynllunio, pan fo gofyn cael caniatad cynllunio.
Datblygiad sydd wedi cael caniatad cynllunio, ond nad ydyw'n cael ei gyflawni yn unol â'r cynlluniau cymeradwy.
Methu cydymffurfio ag amodau neu delerau'r cytundeb cyfreithiol sydd ynghlwm â chaniatad neu gydsyniad.
Hysbysebion y mae'n rhaid cael caniatad eglur ar eu cyfer dan y Rheoliadau Hysbysebu, ond sy'n cael eu harddangos heb ganiatâd*.
Dymchwel mewn ardal cadwraeth, heb gael caniatad ardal cadwraeth, pan fo hynny'n ofynnol *.
Gwaith a gyflawnir ar adeilad "rhestredig", sy'n effeithio ar ei gymeriad neu'i leoliad hanesyddol, heb gael caniatad adeilad rhestredig *.
Methu cydymffurfio â gofynion rhybudd cynllunio cyfreithiol, er enghraifft, rhybudd gorfodi, rhybudd tor parhad, rhybudd atal ac yn y blaen *.

*Mae'r eitemau hyn yn droseddau.

Ni fydd y Cyngor yn ymwneud â materion sydd ddim ond yn anghydfodau rhwng cymdogion, ac yn benodol, ni all y Cyngor ymwneud ag anghydfodau sydd a wnelo â ffiniau.

Pa wybodaeth sydd angen arnom pan rydych yn gwneud cwyn?

Bydd arnom angen lleoliad penodol y safle neu'r eiddo yr ydych yn cwyno amdano.
Union natur eich pryder, hynny yw, yr hyn sydd o bosibl yn torri rheolau cynllunio.
Fel y bo'n bosibl, enw'r unigolyn/sefydliad sy'n gyfrifol, a'r dyddiad a/neu amser pan ddechreuwyd torri'r rheolau.
A fyddech cystal â chwblhau Ffurflen Ymchwilio Cwyn a'i dychwelyd drwy'r post neu e-bost at y Swyddog Gorfodi

Beth fydd yn digwydd i'ch cwyn?

Byddwn yn dechrau ymchwilio i 80% o gwynion a dderbyniwyd ymhen 20 diwrnod gwaith ar ôl i ni gael ein hysbysu. Hysbysir yr achwynwyr hynny sydd gennym fanylion cyswllt ar eu cyfer o'r casgliadau cychwynnol o fewn 10 diwrnod yn dilyn ymchwiliad safle. Hefyd caiff llythyron yn nodi unrhyw ddatblygiadau eu hanfon at achwynwyr.

Cyfrinachedd

Gwneir pob ymdrech i gadw enw'r cwynwr yn gyfrinachol. Mewn sawl achos, y cwynwr gwreiddiol fydd un o swyddogion y Cyngor. Fodd bynnag, y bobl sy'n agos i'r safle lle'r honnir y torrwyd rheolau cynllunio sy'n rhoi'r dystiolaeth orau gan amlaf. Mewn achosion fel hyn, buasai amharodrwydd achwynwr i gael ei enwi ac i roi tystiolaeth yn debygol o gael effaith ddifrifol ar ganlyniad y cwyn.

Os hoffech wybod mwy am y Drefn Orfodaeth, ewch at y tudalennau ar y Drefn Orfodaeth yn y Porth Cynllunio.

Sut i achwyn ynghylch Torri Rheolau Cynllunio

Ffonio 01545 572109
Yn berson yng Nghanolfannau Gwasanaethau Cwsmer Clic, a leolir yn y llyfrgelloedd – Aberystwyth, Aberaeron, Aberteifi a Llanbedr Pont Steffan.
Anfon e-bost at planning@ceredigion.gov.uk