Ceredigion County Council website

Cafodd yr ymateb i'r ymgynghoriad hwn ei ystyried gan y Cynghorwyr yn y cyfarfod Cabinet ar y 17/07/2024.

Ystyried Adroddiad y Swyddog Arweiniol Corfforaethol Porth Cynnal ynghylch y Gorchmynion Gwarcheidiaeth Arbennig gydag adborth gan y Pwyllgor Trosolwg a Chraffu 

Adborth Craffu- Gorchmynion Gwarcheidiaeth Arbennig

PENDERFYNIAD:

1.    Cymeradwyo Polisi Gorchmynion Gwarcheidiaeth Arbennig (Atodiad 1).

2.    Cymeradwyo Polisi Ariannol y Gorchmynion Gwarcheidiaeth Arbennig (Atodiad 2).

3.    Dirprwyo awdurdod i'r Cyfarwyddwr Gofal Cymdeithasol Statudol i weithredu'r polisi a'r adolygiad newydd yn flynyddol.

4.    Nodi adborth y Pwyllgor Trosolwg a Chraffu Cymunedau Iachach.

Y rheswm dros y penderfyniad:

Alinio â Rheoliadau Gwarcheidwaeth Arbennig (Cymru) (Diwygio) 2018 a Chod Ymarfer Gwarcheidiaeth Arbennig ar arfer swyddogaethau'r gwasanaethau cymdeithasol mewn perthynas â gorchmynion Gwarcheidiaeth Arbennig 2018.

Ymgynghoriad gwreiddiol

Mae'r ymgynghoriad hwn yn dilyn adolygiad o'n Polisi Gorchymyn Gwarcheidiaeth Arbennig (Ariannol a’r polisi cyffredinol) yn unol â chod ymarfer Gwarcheidiaeth Arbennig Llywodraeth Cymru (Gorffennaf 2018).

Sut i gymryd rhan

A wnewch chi lenwi’r arolwg erbyn hanner dydd ar ddydd Mercher, 5 Mehefin 2024.

Os hoffech gysylltu â ni, neu fod gennych bryder neu am drafod rhyw elfen ymhellach, cysylltwch â ProjectOffice@ceredigion.gov.uk.

Gellir dod o hyd i'r polisi ariannol a chyffredinol o dan yr adran I'w lawrlwytho.

Mae’r ymgynghoriad hwn yn cau ar ddydd Mercher 5 Fehefin 2024.