Ceredigion County Council website

Is-etholiad Ward Tirymynach 2024

Cynhelir yr Is-etholiad ar gyfer Ward Tirymynach ddydd Iau, 17 Hydref 2024.

Etholiadau’r Cyngor Sir

Mae gan Gyngor Sir Ceredigion 38 Cynghorydd etholedig sy’n cynrychioli 34 ward etholiadol; mae 4 o'r wardiau hyn yn wardiau aml-aelod. Mae gan Ward Etholiadol Tirymynach un Gynghorydd.

Beth mae’r Cynghorau yn ei wneud?

Mae’r Cynghorau yn darparu ystod o wasanaethau i’w cymunedau. Mae rhai yn statudol sy’n golygu bod yn rhaid iddynt gael eu darparu. Mae’r rhain yn cynnwys casglu sbwriel a llyfrgelloedd. Mae eraill yn rheoleiddiol. Mae’n rhaid i’r rhain hefyd gael eu darparu ac maent yn cynnwys cynllunio a rheoli’r modd y mae tir ac eiddo’n cael eu datblygu, a thrwyddedu eiddo neu dacsis, er enghraifft. Yn olaf, mae gwasanaethau dewisol y bydd cynghorau efallai yn dewis eu darparu, megis hybu twristiaeth. 

Dyma rai enghreifftiau o’r hyn y mae’r Cyngor yn gyfrifol amdanynt:

• Addysg - Ysgolion a chludiant i ysgolion
• Tai - Strategaethau, cyngor, darpariaeth, a gweinyddu budd-daliadau
• Gwasanaethau Cymdeithasol - Gofalu am blant, pobl hŷn a phobl anabl a’u diogelu
• Priffyrdd a Thrafnidiaeth - Cynnal a chadw ffyrdd, rheoli a chynllunio trafnidiaeth, enwi strydoedd
• Rheoli Gwastraff - Casglu sbwriel, ailgylchu a thipio anghyfreithlon
• Gwasanaethau Hamdden a Diwylliannol - Llyfrgelloedd, amgueddfeydd, canolfannau hamdden a’r celfyddydau
• Diogelu’r Defnyddiwr - Safonau Masnach
• Gwasanaethau Amgylcheddol - Diogelwch bwyd, rheoli llygredd
• Cynllunio - Cynllunio datblygu a rheoli datblygu
• Datblygiad Economaidd - Denu busnesau newydd, hybu hamdden a thwristiaeth
• Cynllunio ar gyfer Argyfwng - Rhag ofn y bydd argyfyngau megis llifogydd, afiechydon neu ymosodiadau gan derfysgwyr.

Er mwyn cael gwybodaeth bellach ynghylch rôl Cynghorydd a’r broses enwebu, dyma rai dolenni defnyddiol:

• Canllaw i Ymgeiswyr– beth yw rôl Cynghorydd, pa gymorth sydd yn cael ei ddarparu, a ydych yn gymwys i sefyll yn yr etholiad ayb.
• Byddwch Yn Gynghorydd, Sicrhewch Mai Chi Yw’r Newid
• Adroddiad - cynllun gweithredu amrywiaeth mewn democratiaeth.pdf (ceredigion.gov.uk)

Sesiwn Friffio i Ymgeiswyr ac Asiantiaid 

Cynhelir sesiwn friffio i ymgeiswyr posibl ac asiantiaid cyn y cyhoeddir yr Hysbysiad o Etholiad. Cynhelir y sesiwn hon: 

ddydd Iau, 12 Medi 2024 am 5.30pm yn rhithiol dros Zoom:

https://ceredigion.zoom.us/s/81229479209

Er mwyn cael gwybodaeth bellach, cysylltwch â ni drwy e-bost swyddogcanlyniadau@ceredigion.gov.uk

Cynhelir sesiwn friffio bellach ar gyfer ymgeiswyr ac asiantiaid wedi i’r enwebiadau gau.

Y broses enwebu

Mae’r papurau enwebu ar gael ar wefan y Comisiwn Etholiadol

https://www.electoralcommission.org.uk/cy/rwyf-yneg-pleidleisiwr/ymgeisydd-neu-asiant/ymgeiswyr-ac-asiantau-mewn-etholiadau-lleol-yng-nghymru

Bydd y cyfnod enwebu rhwng dydd Gwener, 13 Medi a 4pm ddydd Gwener, 20 Medi 2024. 

Os dymunwch gyflwyno’r papurau enwebu wyneb yn wyneb, bydd yn rhaid gwneud apwyntiad. Gellir gwneud hyn drwy ffonio 01545 570881 neu drwy e-bostio swyddogcanlyniadau@ceredigion.gov.uk

Fel arall, gellir cyflwyno papurau enwebu yn electronig yn unol â’r trefniadau a amlinellir isod:

• Mae’n rhaid cyflwyno’r papurau enwebu drwy anfon e-bost at swyddogcanlyniadau@ceredigion.gov.uk Ni fydd enwebiadau’n cael eu derbyn os byddant yn cael eu cyflwyno i gyfeiriad e-bost arall;
• Dylai llinell bwnc yr e-bost nodi enw’r ymgeisydd yn glir;
• Wedi i’r papurau gael eu derbyn, bydd e-bost yn cael ei anfon i gydnabod hynny. Ni fydd hyn yr e-bost hwn yn gadarnhad bod yr enwebiad yn ddilys;
• Bydd e-bost pellach yn cael ei anfon naill ai yn cadarnhau bod yr enwebiad yn ddilys neu yn nodi fod problemau gyda’r wybodaeth a ddarparwyd;
• Cyfrifoldeb yr ymgeisydd yw sicrhau bod y papurau enwebu wedi’u cyflwyno a’u dilysu, erbyn dim hwyrach na 4.00pm ar 20 Medi 2024.

Swyddog Canlyniadau

Y Swyddog Canlyniadau yw Eifion Evans, Prif Weithredwr Cyngor Sir Ceredigion ac mae e’n gyfrifol am y canlynol:

• Cyhoeddi’r hysbysiad o etholiad
• Gweinyddu’r broses enwebu
• Annog pobl i gymryd rhan
• Cyhoeddi datganiad am y sawl a enwebwyd a’r hysbysiad o bleidlais
• Darparu gorsafoedd pleidleisio a sicrhau bod y cyfarpar priodol ynddynt
• Penodi staff i’r gorsafoedd pleidleisio
• Cynnal yr etholiad
• Rheoli’r broses bleidleisio drwy’r post
• Dilysu a chyfrif y pleidleisiau
• Datgan y canlyniadau.

Mae dau Ddirprwy Swyddog Canlyniadau, sef Barry Rees a Lowri Edwards a fydd yn cynorthwyo’r Swyddog Canlyniadau i gynnal yr etholiad yn unol â’r protocol a nodwyd.

Dylid gwneud unrhyw ymholiadau i’r Swyddog Canlyniadau neu’r Dirprwy Swyddogion Canlyniadau naill ai drwy anfon e-bost i’r cyfeiriad canlynol swyddogcanlyniadau@ceredigion.gov.uk neu drwy ffonio 01545 570881.

Dyddiadau Pwysig