Ceredigion County Council website

Gwybodaeth i’r ymgeiswyr a’r asiantiaid

Sesiynau briffio

Bydd Eifion Evans, y Swyddog Canlyniadau, yn cynnal sesiynau briffio cyn ac ar ôl y cyfnod enwebu:

• Y cyfnod cyn-enwebu – bydd y Swyddog Canlyniadau yn darparu gwybodaeth bwysig am y broses enwebu, gan gynnwys gwybodaeth am daliadau ernes, ymgyrchu, gwariant a rhoddion.

Cynhelir y sesiwn briffio ar 26 Chwefror 2026 am 5.30pm. I ymuno’r sesiwn briffio:
Ymuno â’r cyfarfod nawr
ID Cyfarfod: 319 095 352 125 67
Cod cyfrin: nZ73jY28
Cysylltwch â CRO-SCE@ceredigion.gov.uk os ydych am rhagor o wybodaeth.

• Y cyfnod ar ôl enwebu – bydd y Swyddog Canlyniadau yn rhannu gwybodaeth ynghylch y broses a’r amserlen ar gyfer pleidleisiau post, diwrnod yr etholiad a chyfrif y pleidleisiau.

Cynhelir y sesiwn briffio ar 13 Ebrill 2026 am 5.30pm.

Y Gronfa Mynediad i Swyddi Etholedig - ymgeiswyr anabl 

Gall ymgeiswyr anabl ar gyfer y Senedd neu Lywodraeth Leol nawr wneud cais am gyllid o dan y Gronfa Mynediad i Swyddi Etholedig, a weithredir gan Anabledd Cymru. Diben y cyllid yw helpu ymgeiswyr anabl gyda chostau ychwanegol, anochel - fel trafnidiaeth hygyrch, offer arbenigol, neu gymorth personol. Mae’n cynnwys:

• Help i nodi'r cymorth angenrheidiol.
• Cymorth i gwblhau ceisiadau.
• Asesiad teg o geisiadau i sicrhau tegwch.
• Darparu cyllid neu wasanaethau cymeradwy.

Mae'r gronfa yn darparu cymorth ariannol i ymgeiswyr anabl sydd â chostau sy'n gysylltiedig ag amhariad, gan gynnwys cyllid ar gyfer dehonglwyr Iaith Arwyddion Prydain, cynorthwywyr personol, trafnidiaeth hygyrch, a thechnoleg gynorthwyol. Mae'r gronfa yn cael ei hariannu gan Lywodraeth Cymru ac yn cael ei gweithredu gan Anabledd Cymru, gan sicrhau bod y cynllun yn cael ei weinyddu'n annibynnol gyda didueddrwydd a chyfrinachedd. Bydd y cynllun yn cynorthwyo ymgeiswyr trwy gydol cyfnod yr etholiad - o enwebu i gyhoeddi canlyniadau. 

Gall ymgeiswyr wneud cais drwy Anabledd Cymru neu lawrlwythwch y ffurflen gais yma. Mae rhagor o wybodaeth ar gael yn 

Canllawiau ac adnoddau ar gyfer yr ymgeiswyr a’u hasiantiaid

Mae gan y Comisiwn Etholiadol wybodaeth ddefnyddiol os ydych chi’n ystyried sefyll yn yr etholiad, gan gynnwys gwybodaeth am bwy sy’n gymwys i sefyll mewn etholiad.

• Cwblhau eich papurau enwebu – canllawiau i ymgeiswyr unigol [YouTube]
• Cwblhau eich papurau enwebu – canllawiau i swyddogion enwebu rhestr pleidiau [YouTube]

Enwebiadau

Mae ffurflenni enwebu a gwybodaeth am y broses enwebu ar gael ar wefan y Comisiwn Etholiadol.

Noder – bydd gwahaniaethau yn y ffurflenni enwebu os ydych chi’n ymgeisydd ar restr plaid neu’n ymgeisydd unigol. Cyfeiriwch at wefan y Comisiwn Etholiadol am restr lawn o’r gofynion ar gyfer y broses enwebu.

Bydd enwebiadau’n cael eu derbyn o 24 Mawrth 2026 hyd at 4.00pm, 9 Ebrill 2026 (ac eithrio ar benwythnosau a Gwyliau’r Banc).

Gwirio’r Papurau Enwebu’n Anffurfiol

 Byddwn yn cynnig gwirio papurau enwebu yn anffurfiol cyn i chi eu cyflwyno’n swyddogol.

 Gallwch anfon eich papurau enwebu ddrafft dros e-bost i CRO-SCE@ceredigion.gov.uk er sylwadau.

Cyflwyno eich Papurau Enwebu

Gallwch gyflwyno eich ffurflenni enwebu wyneb yn wyneb neu’n electronig:

• Wyneb yn wyneb – gellir trefnu apwyntiadau rhwng 9.00am a 5.00pm i gyflwyno’r papurau enwebu. Gellir trefnu apwyntiadau drwy ffonio 01545 570881 neu drwy anfon e-bost i CRO-SCE@ceredigion.gov.uk
• Yn electronig –
  • Rhaid cyflwyno’r papurau enwebu drwy anfon e-bost i CRO-SCE@ceredigion.gov.uk ;
  • Ni dderbynnir enwebiadau os cânt eu cyflwyno i gyfeiriad e-bost gwahanol;
  • Dylai llinell pwnc yr e-bost nodi’n glir beth yw enw’r blaid gofrestredig neu enw’r ymgeisydd unigol;
  • Wedi i ni dderbyn y papurau, byddwn yn anfon e-bost i gydnabod ein bod wedi eu derbyn. Ni fydd yr e-bost hwnnw’n cadarnhau bod yr enwebiad yn ddilys;
  • Bydd e-bost arall yn cael ei anfon i gadarnhau a yw’r enwebiad yn ddilys neu a oes unrhyw broblemau o ran yr wybodaeth a gyflwynwyd;
  • Bydd angen i’r taliadau ernes priodol gael eu gwneud cyn y ceir cadarnhad bod yr enwebiad wedi’i gadarnhau fel un dilys;
  • Cyfrifoldeb yr ymgeisydd yw sicrhau bod y papurau enwebu wedi eu cyflwyno a bod eu dilysrwydd wedi ei gadarnhau, a hynny heb fod yn hwyrach na 4.00p.m. ar 9 Ebrill 2026.

Talu’r Ernes

Gellir talu’r ernes i’r Swyddog Canlyniadau erbyn 4.00pm ddydd Iau, 9 Ebrill 2026, drwy drosglwyddiad banc uniongyrchol, drafft banc (banciau sy’n weithredol yn y Deyrnas Unedig yn unig) neu ar ffurf arian parod (punnoedd Prydeinig yn unig). Mae'r taliadau ernes sydd eu hangen fel a ganlyn:

• Ymgeisydd unigol –  ernes o £500.00;
• Ymgeiswyr rhestr plaid – ernes o £500.00 ar gyfer yr ymgeisydd cyntaf ar restr y blaid; ac ernes o £200.00 ar gyfer pob un o'r pum ymgeisydd nesaf sy'n ymddangos ar restr y blaid gofrestredig.

Ni fydd y Swyddog Canlyniadau yn derbyn eich papurau enwebu oni bai eich bod wedi talu’r ernes cywir.

Fforffedu’r ernes

• Bydd ernes ymgeisydd unigol yn cael ei fforffedu os, ar ôl cyfrif y pleidleisiau, y caiff lai na 5% o gyfanswm y pleidleisiau a fwriwyd yn yr etholaeth.
• Bydd ernes plaid wleidyddol gofrestredig yn cael ei fforffedu os, ar ôl cyfrif y pleidleisiau, y caiff lai na 5% o gyfanswm y pleidleisiau a fwriwyd yn yr etholaeth. 

Cod ymddygiad i ymgyrchwyr

Mae ymgyrchwyr yn elfen hanfodol o ddemocratiaeth iach, a dylid cefnogi a diogelu eu hawl i gyflwyno eu dadleuon i bleidleiswyr. Fodd bynnag, mae yr un mor bwysig sicrhau nad yw gweithgareddau ymgyrchwyr yn codi amheuaeth ynghylch uniondeb y broses etholiadol. 

Ceir manylion pellach ar wefan y Comisiwn Etholiadol

Dyddiadau pwysig

Manylion Cyswllt

Os ydych chi angen rhagor o wybodaeth, cysylltwch â’r Swyddog Canlyniadau drwy e-bostio CRO-SCE@ceredigion.gov.uk neu drwy ffonio 01545 570881.