Caru'ch Cymuned 2026
Mae ceisiadau ar agor ar gyfer categori Caru’ch Cymuned 2026.
Bydd gwobrau Caru'ch Cymuned yn cydnabod ac yn dathlu gwaith cymunedol trefi a phentrefi ledled Ceredigion wrth gadw eu cymuned yn daclus, trefnu digwyddiadau a darparu gwasanaethau i bobl yr ardal. Mae cymunedau mawr a bach yn cael eu hannog i gyflwyno cais drwy lanw’r ffurflen datgan diddordeb.
Nod ymgyrch Caru'ch Cymuned yw meithrin a dathlu ymdeimlad o falchder mewn cymunedau ledled y sir, tra'n annog pobl i gymryd rhan mewn gweithgareddau a mentrau sy'n gwella'r amgylchedd, cefnogi busnesau lleol, a chryfhau cydlyniant a gwytnwch cymunedol.
Mae tri chategori yn y gystadleuaeth ar gyfer Gwobrau 2026.
| Pentref bach | Pentrefi sydd â llai na 5 o gyfleusterau |
|---|---|
| Pentref | Pentrefi unigol, ardal benodol o fewn ardal Cymuned neu Gyngor Tref sydd â 5 neu fwy o gyfleusterau |
| Tref | Trefi Aberaeron, Aberteifi, Aberystwyth, Cei Newydd, Llanbedr Pont Steffan, Llandysul a Thregaron yn unig. h.y. trefi sydd â chynllun tref |
Y dyddiad cau ar gyfer cyflwyno datgan diddordeb yw hanner nos, dydd Llun, 8fed o Fehefin 2026.
Dyddiad cau i gyflwyno Ffurflenni Cais Llawn gyda thystiolaeth ategol yw hanner nos Dydd Llun, 7 Medi 2026.
Darllenwch drwy’r nodiadau canllaw cyn dechrau ar y ffurflen gais, bydd y wybodaeth yn y nodiadau canllaw o gymorth i chi.
