Gwobrau Caru Ceredigion 2024
Mae Gwobrau Caru Ceredigion 2024 yn ddathliad o’r goreuon o blith ein cymunedau a’n busnesau.
Fe’u cynhelir ar Fferm Ysgubor @ Bargoed (Moody Cow), Llwyncelyn, a bydd y gwobrau’n cydnabod cyfraniadau a llwyddiannau eithriadol busnesau, prosiectau cymunedol, ac unigolion ar draws y sir.
Mae ceisiadau ar gyfer y gwobrau nawr ar gau, gallwch ddarganfod pa fusnes neu sefydliad sydd ar y rhestr fer drwy gadw llygad barcud ar ein tudalen Newyddion.
A hithau’n un o ardaloedd mwyaf prydferth ac unigryw’r wlad, mae gwaith gwych yn digwydd yng Ngheredigion ar hyn o bryd, a dylid dathlu hyn. Edrychwn ymlaen at gydnabod gwaith arloesol, blaengar ac ysbrydoledig ein trigolion a’n busnesau, wrth helpu i hybu ysbryd o gydweithio a balchder cymunedol. Pob lwc!
Y dyddiad cau ar gyfer enwebiadau oedd dydd Mercher 13 Tachwedd 2024.
I fod yn gymwys ar gyfer unrhyw gategori, rhaid i gymunedau a busnesau fod yn gweithredu neu fod â lleoliad corfforol yng Ngheredigion, gydag unrhyw weithgareddau perthnasol sy’n rhan o'ch cais wedi'u cynnal rhwng 1 Ionawr 2023 a 1 Tachwedd, 2024.
Meini Prawf y Barnwyr
Meini Prawf y Barnwyr
Newyddion Gwobrau Caru Ceredigion
Newyddion Gwobrau Caru Ceredigion
Gwobr Arloesedd Cymunedol
Ar gyfer cymunedau neu brosiectau sydd wedi cael effaith gadarnhaol trwy ddod o hyd i atebion arloesol i heriau.
Gwobr Arloesedd Cymunedol
Gwobr Arloesedd mewn Busnes
Busnesau creadigol sydd wedi meddwl y tu allan i'r bocs i gwrdd â heriau a dod o hyd i atebion.
Gwobr Arloesedd mewn Busnes
Gwobr Ysbrydoliaeth Caru Ceredigion
Hanfod ysbryd cymunedol, nod y wobr hon yw cydnabod unigolion, grwpiau neu fentrau sy'n codi arian ar gyfer achosion da neu sy'n helpu'r gymuned ehangach trwy waith gwirfoddoli.
Gwobr Ysbrydoliaeth Caru Ceredigion
Gwobr Busnes Cymunedol y Flwyddyn
Yn berthnasol i elusennau, sefydliadau di-elw, ymgyrchwyr a grwpiau gwirfoddol – mae hyn yn ddathliad o'u gwaith a'u cyflawniadau.
Gwobr Busness Cymunedol y Flwyddyn
Gwobr Digwyddiad y Flwyddyn (Mawr)
Mae’r wobr hon yn agored i sefydliadau/busnesau/unigolion sydd wedi trefnu digwyddiad ar raddfa fawr yng Ngheredigion yn 2023/2024 sydd wedi cael effaith ehangach ar y sir, drwy ddenu mwy o ymwelwyr i’r ardal (5,000 a mwy), cael effaith economaidd gadarnhaol a chodi proffil Ceredigion.
Gwobr Digwyddiad Mawr y Flwyddyn
Gwobr Digwyddiad y Flwyddyn (Cymunedol)
Mae’r wobr hon yn agored i sefydliadau/busnesau/unigolion sydd wedi trefnu digwyddiad ar raddfa leol/gymunedol yng Ngheredigion yn 2023/2024 sydd wedi cael effaith ehangach ar y gymuned, drwy ddenu mwy o ymwelwyr i’r ardal (llai na 5,000), effaith economaidd gadarnhaol a chodi proffil Ceredigion.
Gwobr Digwyddiad Cymunedol y Flwyddyn
Gwobr Entrepreneur Ifanc
Cydnabod entrepreneuriaid ifanc sydd wedi dangos yr awydd i lwyddo gyda'u syniadau eu hunain ac sydd â'r uchelgais i droi'r rheini yn fusnes llwyddiannus.
Gwobr Entrepreneur Ifanc
Gwobr Darganfod Ceredigion
Busnesau sydd wedi llwyddo i ddenu ymwelwyr i Geredigion a rhoi hwb i'r diwydiant twristiaeth.
Gwobr Darganfod Ceredigion
Gwobr Bwyd-amaeth
I'r rhai sy'n gweithio o fewn y diwydiant bwyd neu amaeth ac wedi cael llwyddiant drwy dwf, arloesedd neu gynnyrch newydd a gall ddangos sut mae'r busnes wedi cael effaith gadarnhaol ar yr amgylchedd gwyrdd, yr economi leol a/neu'r gymuned.
Gwobr Bwyd-amaeth
Gwobr Prentis y Flwyddyn
Cyflwynir y wobr hon i unigolyn sy'n ymgymryd â phrentisiaeth gyda busnes sy'n gweithredu yng Ngheredigion ac sydd wedi bod yn rhagorol ym mhob agwedd o ei hyfforddiant.
Gwobr Prentis y Flwyddyn
Gwobr Ceredigion a’r Byd
Mae'r wobr hon yn cydnabod busnesau neu fentrau Ceredigion sydd wedi helpu i roi Ceredigion ar y map, ac wedi helpu i godi proffil y sir y tu allan i Gymru
Gwobr Ceredigion a’r Byd